د پوهنې وزارت د دعوت او ارشاد ریاست د کړنو «اوونیز راپور»
له شنبې ۱۴۴۵/۱۲/۲۹هجري قمري تر پنجشنبې ۱۴۴۶/۱/۴هجري قمري (د چنګاښ میاشتې له ۱۶مې نېټې تر ۲۱مې ۱۴۰۳/ لمریز).
د پوهنې وزارت د دعوت او ارشاد ریاست مسئولینو تېره اوونۍ د کابل ښار اوومې ښوونیزې ناحیې اړوند د محراب الدین، ایمني، خوشحال خان، غازي ادې له رسمي لېسو او د دانش وړانګه، ماندګار علم، ماندان سعادت، عامه افغان، رفاه فردا، استقلال خراسان، شمس الهدی، شمشاد نمبر۱، قاموس نمبر۲ لومړني ښوونځي، شمس الهدی نمبر۳، اسرار توحید، برین، حماسه دانش، آشیانه خصوصي ښوونځيو څخه لیدنې وکړې.
ددغو لیدنو په ترڅ کې دعوت او ارشاد ریاست مسئولینو د یادو لېسو چارواکو ته «د اساسات الاسلام کتاب» د تدریس لړۍ پر تطبیق ټینګار وکړ او د همدغو ښوونځیو مسئولینو او زده کوونکو ته ديني لارښوونې وکړې، له هغوی يې وغوښتل، تر څو خپل صورت او سیرت د رسول الله «صلی الله علیه وسلم» په سنتو برابر او همدارنګه د دیني درسونو په حلقو کې په جدي ډول برخه واخلي.
په ورته مهال، د پوهنې وزارت د دعوت او ارشاد ریاست ته له کابل ښار او د ولایتونو له پوهنې ریاستونو څخه لاس ته راغلي راپورونه ښیي چې:
په تېره اوونۍ کې د پوهنې وزارت د عوت او ارشاد ریاست د مسئولینو له لوري د یاد وزارت د مرکزي هستې اړوندو کارکوونکو ته د دیني درسونو لړۍ دوام درلود.
دغه راز په تېره اوونۍ کې هم د پوهنې وزارت د دعوت او ارشاد ریاست په لارښوونه، له ټاکل شوي مهالوېش سره سم هره ورځ د مرکز او ولایتونو په ښوونیزو بنسټونو کې دیني درسونو دوام درلود او د یاد ریاست د مبلغینو له لوري د هغوی درسي بهیر هم له نبږدې څارل شوی دی.
