د پوهنې له ډګره څو لنډ خبرونه
تخار
د تخار ولایت پوهنې رئیس مولوي محمد اسماعیل ابو احمد، په مرکز تالقان ښار کې د ښځینه وو دارالعلوم او بي بي مريم لېسې له اداري او تدريسي څانګو څخه څارنه او کتنه وکړه.
هلمند
د هلمند ولایت پوهنې ریاست او د بست خصوصي پوهنتون ترمنځ د همکارۍ هوکړه لیک لاسلیک شو.
د دغه هوکړه لیک پر بنسټ به دواړې ادارې له یو بل سره په مالي او حسابي پروګرامونو او د عامه پوهاوي د پروګرامونو په ترسره کولو کې همکاري کوي.
زابل
د زابل ولایت پوهنې ریاست مسئولینو د یاد ولایت سیوري ولسوالۍ د دیني مدارسو ۲۱ تنو زده کوونکو ته د وړتیا لوړونې سیمینار جوړ کړ.
بیا هم له یاد ولایت څخه:
د زابل ولایت پوهنې رئیس الحاج مولوي ګل ولي متقي، د یاد ولایت شینکۍ ولسوالۍ د یوشمېر دیني مدارسو د زده کوونکو د اداري، تدریسي او تحصیلي څانګو له کړنو څخه لیدنه او کتنه وکړه.
پنجشېر
د پنجشېر ولايت پوهنې رئيس مفتي حبيب الله نوري قتاده، داقتصاد له رئيس او په دغه ولايت کې د يو همکار بنسټ له مسئولینو سره په کتنه کې، په سيمه ييزو ټولګيو کې د درسونو د کيفيت په لاښه والي او په ښوونیز ډګر کې د پوهنې وزارت د کړنلارې پر رعایتولو کولو ټینګار وکړ.
