د ولایتونو له پوهنې ډګره څو لنډ خبرونه
بغلان
د کابل ولایت د مقام مرستیال الحاج مولوي محمد یونس مخلص< د بغلان ولایت له پوهنې رئیس الحاج مولوي محمد نور عزیزي سره وکتل او په یاد ولایت کې یې د ښوونیزو پروګرامونو د لاښه والي په تړاو خبرې وکړې.
د بغلان پوهنې رئيس د لوړ پوړو چارواکو له ورتګ څخه هرکلی وکړ او دا ډول لیدنې یې د پوهنې د کارکوونکو د لاهڅونې لپاره خورا مهمې وبللې.
بیا هم له یاد ولایت څخه
د بغلان ولایت د عوایدو راټولولو کمېټې، د یاد ولایت له پوهنې رئیس سره وکتل او د عوایدو په راټولولو کې یې د دغه ریاست د همکارۍ غوښتنه وکړه، چې د پوهنې ریاست له لوري ورسره د همکارۍ ژمنه وشوه.
هلمند
د هلمند ولایت د پوهنې ریاست روزونکو، د یاد ولایت د پوهنې رئیس، آمرینو او مدیرانو په حضور کې، د ۱۴۰۳ لمریز کال د پوهنې وزارت عملیاتي پلانونه ګډون والو ته تشرېح کړل او هغوی ته یې لازم توضېحات ورکړل.
بلخ
د بلخ ولايت د مقام او د اداري اصلاحاتو د کمېسيون د استازو ګډ پلاوي، د یاد ولایت د پوهنې رياست د کارکوونکو حاضري وڅارله.
دغه راز یاد پلاوي د پوهنې ریاست کړنې او دندې مثبتې وارزولې.
لغمان
د لغمان ولايت پوهنې رئيس مولوي شاه جهان ساجد، د یاد ولايت د دولت شاه ولسوالۍ د يو شمېر ښوونځيو له اداري او ښوونيزو کړنو څخه ليدنه وکړه او له مسئولينو يې وغوښتل، تر څو د درسونو د کيفيت لاښه والي او د تدريسي پلانونو په پلي کولو کې له هېڅ راز هلو ځلو درېغ ونه کړي.
