له پروان او لغمان ولایتونو څخه د پوهنې څو خبرونه
پروان
د پروان ولایت پوهنې رئیس مفتي محمد حسن حقاني او ورسره مل پلاوي، د سالنګ ولسوالۍ د پوهنې ریاست له اداري او تدریسي فعالیتونو او د یادې ولسوالۍ له یو شمېر ښوونځیو څخه لیدنه وکړه.
لغمان
د لغمان ولایت پوهنې رئیس مولو شاه جهان ساجد او د یاد ریاست د کیفیت تضمین آمریت مسئولینو، د الیشنګ ولسوالۍ پوهنې آمریت او یو شمېر ښوونځیو له اداري او تدریسي چارو څخه لیدنه وکړه او د پوهنې وضعیت د لا ښه والي په موخه یې مسئولینو ته لازمې لارښوونې وکړې.
د یو بل خبر له مخې؛
د لغمان ولایت پوهنې رئیس د یاد ولایت د ښوونیز او روزنیز فکري پراختیا بنسټ له استازي سره وکتل او د ښوونځیو د شوراګانو د پیاوړتیا په برخه کې یې د نورو مهمو ښوونیزو موضوعاتو په اړه هم تفصیلي خبرې وکړې.
همدارنګه:
د لغمان ولایت پوهنې رئیس د ACDO مؤسسې له مسئولینو سره د لیدنې پر مهال، د چټکو زده کړو په سیمه ییزو ټولګیو کې، د پوهنې د کیفیت د لاښه والي په اړه خبرې وکړې او د همغږۍ په اړه یې هوکړې ته ورسېدل.
یو بل خبر:
د لغمان ولايت کرېکټ لوبډلې د یاد ولايت د پوهنې له رئيس سره په ليدنه کې د تورنمنټ سياليو د ترسره کېدو غوښتنه وکړه.
د یاد ریاست مشرتابه ډاډ ورکړ چې په دې اړه به تصمیم ونیسي.
