د هېواد د ولایتونو او تودو سیمو د ښوونځیو کلنۍ ازموینې پیل شوې
د پوهنې وزارت د لایحې له مخې هر کال د ګرمسیرو ښوونځیو کلنۍ ازموینې د روان لمریز کال د زمري میاشتې په لومړۍ نېټه د اړوندو ولایتونو د پوهنې ریاستونو له لوري رسما پیلېږي.
چې سږ کال هم په یادو ولایتونو کې کلنۍ ازموینې د ولایتونو د پوهنې رئیسانو د څارنې د آمرینو له لوري د یو لړ ځانګړو مراسمو په ترڅ کې پیل شوې.
په دې مراسمو کې د ولایتونو د پوهنې رئیسانو او مسؤلینو د یادو ازموینو د بهیر په باب خبرې وکړې او د ازموینو پر روڼتیا د ټینګار ترڅنګ یې له ښوونکو او د ښوونځیو له مسؤلینو وغوښتل، چې په یادو ازموینو کې چمتووالي او ډسپلین ته جدي پاملرنه وکړي. دغه راز يې له زده کوونکو وغوښتل چې د ازموينې اصول مراعات او په ښوونځيو کې له هر ډول ګډوډي څخه ډډه وکړي، ترڅو د ازموينې بهير ګډوډ نه شي.
