د هېواد په ښوونیزو مرکزونو کې د ۱۴۰۲ هـ ل کال د احصايیې او معلوماتو راټولولو بهیر پیل شو
غونډه د کیفیت د تضمین معین الحاج مولوي عبدالخالق صادق په مشرۍ د ویډیو کنفرانس له لارې په ولایتونو کې د پوهنې ریاستونو، د پلان جوړونې احصايیې او معلوماتو مدیرانو او د پوهنې د برنامو د آمرینو له مسوولینو سره جوړه شوه.
په دې غونډه کې د ښوونځیو د شمېر او د هغوی د تجهیزاتو، د ښوونکو او زده کوونکو د شمېر په اړه د ارقامو او احصاییو د راټولولو په موخه خبرې او د چارو د لا ښه ترسره کولو په موخه یې مدیرانو ته لازمې لارښوونې وشوې.
له بلې خوا د پوهنې رئیسانو د خپلو اړوندو ولایتونو د اوسني ښوونیز او روزنیز وضعیت په اړه د یو لړ ستونزو او نظریاتو د وړاندې کولو په ترڅ کې ژمنه وکړه، چې د یاد وزارت د مشرتابه له لارښوونې سره سم به خپلې دندې پرمخ یوسي .
