د کاپیسا له پوهنې ریاست څخه خبرونه
د کاپيسا ولايت د کوهستاناتو په حصه اول ولسوالۍ کې د يونيسف د سيمه ييز دفتر په مالي مرسته د ښوونځيو د زده کوونکو او د سيمې د خلکو د ګټې اخیستنې په موخه درې پروژې چې د څښاک د اوبو رسولو، اودس خونو او د حوضونو جوړول په کې شاملې دي ګټې اخيستنې ته وسپارل شوې.
د کاپیسا ولایت د اله سای او تګاب ولسوالیو د پوهنې ریاست ۴۷ تنه مامورین او کارکوونکي د دغه ولایت د پوهنې ریاست له خوا و ارزول شول.
د کاپیسا ولایت د پوهنې ریاست د ساینس او ټکنالوژۍ مدیریت لخوا د نجراب ولسوالۍ د ښوونځیو ۴۱ تنو ښوونکو ته د ساینسي مضامینو شپږ ورځنی روزنیز ورکشاپ جوړ شو.
د دې ولایت د پوهنې ریاست له ګډونوالو وغوښتل، چې خپلې زده کړې او تجربې له خپلو زده کوونکو سره شریکې کړي او د خپلو درسونو عملي اړخونه پیاوړي کړي.
د پوهنې وزارت د اسلامي زده کړو معینیت تر څارنې لاندې د کاپیسا ولایت په اله سای او نجراب ولسوالیو کې له یو شمېر خصوصي مدارسو سره نغدي مرسته وکړه.
د پوهنې مسوولینو، ښوونکو او زده کوونکو له یادې مرستې خوښي څرګنده کړه.
په کاپیسا ولایت کې د یونیسف سیمه ییز دفتر د دغه ولایت له پوهنې ریاست سره د ښوونځیو د زده کوونکو لپاره د درسي کتابونو او کتابچو مرستې وکړې.
په یاد شوي تدریسي موادو کې کتابچې، بکسې، پنسلونه او د ښوونکو لپاره ښوونیزې کڅوړې شاملې دي.
د کاپيسا د پوهنې رياست د دغو مرستو په ترلاسه کولو خوښي څرګنده کړه او له مرستندويه ادارې يې مننه وکړه.
