له ولایتونو څخه د پوهنې لنډ خبرونه
- فراه
دفراه ولايت د پوهنې د څارنې غړو د دغه ولايت په ښاري حوزه کې له پنځو ښوونځيو څخه څارنه او کتنه وکړه .
- کندز
څه موده وړاندې د کرکټ هغه ورزشي سیالۍ چې د کندز ولایت د ښاري حوزې د ښوونځیو د ۱۲ ټیمونو ترمنځ د دغه ولایت د پوهنې ریاست د بدني روزنې د مدیریت له خوا په لاره اچول شوې وې، د حضرت علي لېسې په اتلولۍ سره پای ته ورسېدې.
په پاى کې هغه جايزې او ورزشي وسايل چې دکندز ولايت دپوهنې رياست د بدني روزنې د مديريت له خوا چمتو شوي وو د پوهنې ريس محمد اسماعيل ابو احمد او د نورو مېلمنو له خوا د لومړي او دويم مقام په ټيمونو ووېشل شول .
- خوست
د خوست د پوهنې ریاست چارواکي وايي: د دغه ولایت د باک ولسوالۍ د کوزه تره کي ښوونځي د بیارغونې چارې د یونیسف ادارې په مالي مرسته او د ولسونو د شوراګانو په څارنې سره پیل شوي او په ښه توګه پرمخ ځي.
- لوګر
د لوګر ولایت د پوهنې ریاست سکتوري غونډه د دغه ولایت د پوهنې ریس مولوي جنت ګل عزیز په مشرۍ جوړه شوه.
په دې کتنه کې د لوګر د پوهنې ریس د پوهنې په برخه کې د یادو بنسټونو د فعالیتونو او کاري راپورنو په اړه خبرې وکړې او له هغوی یې وغوښتل چې د پوهنې د لازیاتو خدمتونو په برخه کې له موږ سره تر خپله وسه مرستې وکړي.
په یو بل خبر کې:
د لوګر ولایت د ازرې ولسوالۍ د پوهنې آمریت د مسوولینو له خوا د ښوونځیو د کلنۍ ازموینې د چمتووالي په موخه غونډه جوړه شوه.
په دې ناسته کې د ۲۵ دولتي ښوونځیو مسوولینو پر اداري مسایلو سربېره د دې ازموینو د ترسره کېدو پر څرنګوالي خبرې وکړې.
- همدارنګه:
له لوګر ولایت نه په رارسیدلي خبر کې ویل شوي، چې په دغه ولایت کې د ۵۹۸ تنو نویو ګمارل شویو ښوونکو د ګومارنې بهیر بشپړ شوی، چې ۹۳ یې ښځې دي.
