د تعلیمي سکتور ملاتړ غونډه
پوهنې وزارت، کندز: کندز ولایت کې، د پوهنې سکتور څخه د ملاتړ په موخه د یاد ولایت د پوهنې ریاست کې، د ولایت دمقام اداري مرستیالې نصیبه هولکر، د پوهنې رئیس نجیب ثاقب، د تعلیمي او تحصیلي بنسټونو استازو او د پوهنې سکتور سره د همکارو موسسو د چارواکو په ګډون سره غونډه جوړه شوه.
په یاده غونډه کې د همکارو موسسو فعالیتونه او همکارۍ و ارزول شوې او د چارو د لا ښه کیدو په موخه د همکارو موسسو په طرحو او پلانونو باندې هراړخیزې خبرې و شوې.
په پای کې د پوهنې رئیس نجیب ثاقب د پوهنې په بیلابیلو برخو کې د سکتوري ادارو او همکارو موسسو له هراړخیزو مرستو ډیره مننه وکړه.
