په ننګرهار کې د زده کوونکو تر منځ د پولیو ناروغۍ سره د مبارزې عامه پوهاوي په موخه ذهني سیالي تر سره شوه.
د پوهنې وزارت_ننګرهار: د ننګرهار ولایت د پوهنې او اطلاعاتو او فرهنګ ریاستونو په ګده همکارۍ د پولیو ناروغۍ سره د مبارزې او واکسینو ترسره کولو په موخه د بېلابېلو ښوونځیو زده کوونکو ترمنځ ذهني سیالۍ ترسره شوي.
د ننګرهار پوهنې ریس حسیب الله شینواري د یادې سیالۍ په پیل کې وویل: پولیو یوه بدمرغه ناروغۍ ده او دا د هر ماشوم پر خپل مور او پلار حق دی چې پولیو واکسین ورته وکړي، پوهنې ریس وویل د دغه ولايت ښوونځيو کې سلګونه ښوونکي او زده کوونکي په رضاکاره توګه د پوليو ناروغۍ په اړه عامه پوهاوی کوي، او دا ټول قهرمانان دي.
همدارنګه ننګرهار کې د واکسینو پروسې مشر ډاکټر جان محمد وايي چې د دې سیالۍ له لارې غواړي چې خلکو ته عامه پوهاوی وکړي او په دغه برخه کې د شته خطرونو په اړه ولس پوه شي.
هغه زياته کړه: زموږ هدف دا دی چې خلکو ته پېغام ورکړو چې د پولیو واکسینو په هر کمپاین کې باید کورنۍ خپل ماشومان واکسینو ته راوباسي تر څو کور په کور ټولو ماشومانو ته واکسین ورسېږي.
د یاده ولو وړ ده، چې د پولیو پر وړاندې د مبارزې نړیواله ورځ هر کال د اکتوبر په ۲۴مه نېټه نمانځل کېږي تر څو د پولیو د خطرونو او ماشومانو د ژوند بچ کېدو پر مسلو خبرې وشي او د حل لارې یې ولټول شي.
