د اسد اوومه د هیواد د ملي بیرغ ورځ څخه نمانځنه وشوه
د پوهنې وزارت، کابل: د پوهنې وزارت مشرتابه او کارمندانو د اسد په اوومه د ملي بیرغ ورځ ولمانځله او د دغه وزارت په انګړ کې یې د هیواد درې رنګه بیرغ پورته کړ.
د پوهنې وزارت سرپرستې آغلې رنګینې حمیدي په دې مراسمو کي وویل: «زموږ بیرغ زموږ هویت او زموږ تاریخ دی. د افغانستان ملي بیرغ د هیواد د یووالي او خواخوږي سمبول او د هرچا لپاره د ویاړ سرچینه ده. دا ویاړلی بیرغ زموږ د قربانیو، اتلولۍ، زغم او ویاړ نمایندګي کوي، او دا د ټولو لپاره ملي دنده ده چې د هغې ساتنه او درناوی وکړي.»
د پوهنې وزارت سرپرستې په هیواد کې د ملي سمبولونو او پیښو په تقویه کولو او ویاړ ټینګار وکړ او زیاته یې کړه چې د پوهنې وزارت به دا ډول غونډو ته وده ورکولو او هڅولو لپاره لا ډیر کار وکړي
هغه همداشان هیله څرګنده کړه چې افغانان به په ټولو برخو په ځانګړي توګه د پوهنې په ډګر کې له سترو لاسته راوړنو او ویاړونو سره، وکولای شي چې د هیواد درې رنګه بیرغ په ټوله نړۍ کې په اهتزاز کې وساتي.
