د خوست ولایت د چټکو زده کړو ټولګیو وښوونکو ته روزنیږ ورکشاپ پیل شو
د پوهنې وزارت_خوست: د خوست ولایت د چټکو زده کړو ټولګیو ښوونکو ته د د اوسپنې او فولیک اسیډ ګولیو د استعمال پر طریقه او د سالمو غذایي موادو په اړه د پوهاوي ورکشاپ پیل شو.
دغه ورکشاپ کې د خوست ولایت د مرکز او ولسوالیو کې د نجونو د چټکو زده کړو ټولګیو ۹۷ تنه ښځینه او نارینه ښوونکو ته د وینې کمښت پېژندنې ،د اوسپنې فولیک اسیډ بشپړونکو ګولیو د استعمال پر طریقه او د سالمو غذاوو د پېژندنې په اړه روزنه ورکول کېږي.
یاد ورکشاپ چې پوره ۸ ورځې به روان وي، دوه، دوه ورځې به په خپل نوبت په څلورو ټولګیو کې یادو کسانو ته روزنه ورکړل شي.
د ورکشاپ د پرانیستې پرمهال د پوهنې وزارت د صحي چارو هماهنګ کوونکي او ددې ورکشاپ ټرېنر ډاکټر نصیر احمد جاوید وویل، له دې ورکشاپ یې موخه په ټولنه کې په نویو ځوانو نجونو کې د کم خونۍ ناروغۍ له منځه وړل دي. ده ویل له دې ورکشاپ وروسته به دغه ښوونکي په صنفونو کې د دغه ګولیو او د سالمو صحي غذاګانو په اړه زده کوونکو ته پوهاوي ورکوي.
ښاغلي جاوید وویل د اوسپنې او فولیک اسیډ په ټولو نړیوالو صحي معیارونو برابرې دي له ۱۰ کالنۍ نه تر ۱۹ کالنۍ پورې نجونو ته په اوونۍ کې یو ځل ورکول کېږي.
