د کندهار د یو شمیر زده کوونکو سره د قرطاسیی مرسته وشوه
د پوهنې وزارت_کندهار: د ملي هویت د ساتني او د افغانۍ د ترویج په موخه د افغانستان بانک ادارې په کندهار کي د یو شمیر زده کوونکو سره د قرطاسیې مرسته وکړل.
یاده قرطاسیه چي کتابچه ، قلم، بسته او د افغانۍ د استعمال، ترویج اوساتني په موخه ځانګړي بروشورونه پکښي موجود وه پر څلورو ښځینه او نارینه ښوونځیو او دوو دیني مدارسو کي پر (۲۰۰۰) تنو زده کوونکو باندي د افغانستان بانک دفتر د استازو او د نشراتو د مدیر لخوا وویشل شول .
د یادي قرطاسیې د ویشلو پرمهال مسؤلینو د ښوونځیو د امرینو او ښوونکو څخه وغوښتل ترڅو زده کوونکو ته د افغانۍ د ارزښت په اړه معلومات او پوهاوی ورکړي ترڅو هغوی یې د کورنۍ تر غړو او نورو زده کوونکو پوري ورسوي.
