پکتیا کې د ۲۷ میلیونه افغانیو په ارزښت یو ښوونځي ته نوې ودانۍ جوړېږي
پوهنې وزارت_پکتیا: د پوهنې ریاست تدریسي مرستیال الحاج مطیع الله فضلي په احمدخیلو ولسوالي کې د شاوخوا ۲۷ میلیونه افغانیو په ارزښت د حسن خېلو عالي لیسې ښوونځي د بنسټ ډبره کېښوده. نوموړي په همدې مناسبت وویل: ((د پوهنې ریاست به په متوازن ډول د ټولو سیمو هغو زده کوونکو ته د زده کړو مصؤن چاپیریال برابر کړي، کوم چې تر شنه اسمان لاندې زده کړې کوي، دا زمونږ ګډ پلان دی او همدې ته به د زړه له کومې کار کوو)) دا ښوونځی به په دوه پوړونو کې وي او ټولټال به ۲۴ درسي خونې ولري ددې تر څنک به احاطه، د پاکو اوبو اسانتیاوې او کمپیوټر لېب سربیره نورې اړیني اسانتیاوې هم ولري.
