کونړ کې د یو ښوونځي ودانۍ پرانېستل شوه
پوهنې وزارت _کونړ: د کونړ ولایت په شیګل ولسوالۍ کې دشینکوړک دانجونو دلېسې نوې جوړه شوې ودانۍ دیولړ مراسمو په ترڅ کې ګټې اخیستنې ته وسپارل شوه.
د یاد ښوونځي نوې ودانۍ په پاخه او اساسي ډول د سویډن ګمتي په مالي مرسته د لس میلیونو افغانیو په مجموعي لګښت جوړه شوې، چې ۶ درسي ټولګي، دوه اداري خونې، د احاطی دیوال، د زده کوونکو لپاره ۱۲۰ پایی دوه نفری چوکۍ او نورې اړوندې ټولې آسانتیاوې لري.
په همدې تړاو جوړه شوې غونډه کې دکونړولایت مرستیال والي ګل محمد(بیدار)دپوهنې رییس مجیب الرحمن(همدرد)په ختيځ کې دسویډن کمېټې مشرخالد(فهیم)سکتوري رئيسانواودشيګل اوشلطن ولسوالانو پکي ګډون کړی وو.
مرستیال والي په خپلو خبرو کې د ښوونځي د نوې ودانۍ د پرانېستو له امله د سیمې اوسېدونکو ته مبارکي وویله او له ولسونو یې وغوښتل، چې د خپلو نجونو د ښوونې او روزنې په برخه کې جدي هځې وکړي.
د کونړد پوهنې رییس مجیب الرحمن(همدرد) دشیګل ولسونو ته ډاډ ورکړ، چې د اولادونو لپاره به یې د باکیفیته زده کړو اسانتیاوې برابرې او په دې برخه کې له پخوا هڅې ګړندۍ کړي دي.
د یادولو وړ ده، چې د ښوونځي د نوې ودانۍ له جوړېدو او پرانېستو سره به د یادې سیمې سلګونو نجونو ته د زده کړو خوندي درسي چاپېریال برابر شي.
