پوهنې وزیر ډاکتر بلخي د اریک لورین سره په لیدنه کي د افغانستان په ولایتونو کي د "British Council" له لوري د نښلونکو ټولګیو ( Connecting Class) د جوړیدو غوښتنه وکړه
پوهنې وزارت- کابل: پوهنې وزیر ډاکتر محمدمیرویس بلخي د "British Council" له رئیس اریک لورین سره په لیدنه کي د افغانستان په ولایتونو کي د نښلونکو ټولګیو ( Connecting Class) د جوړیدو غوښتونکي شو.
په دې غونډه کې چې نن د چنګاښ ۱۹ پوهنې وزارت کي تر سره شوه ، ډاکتر بلخي وویل چې موږ د "British Council" څخه په دوه برخو کې "د نورو هیوادونو له مدرسو سره د افغان مدرسو نښلول" او "په مدرسوکې د انګلیسي زده کړو لپاره د ټولګیو تنظیمولو غوښتونکي یو.
همدارنګه پوهنې وزیر په جنوري میاشت کی انګلستان ته د خپل وروستي سفر او د "British Council" له چارواکو سره لیدني ته اشاره وکړه او د افغانستان په رسمی ژبو د کیمبرج درسي کتابونو ژباړي په اړه د ترسره شویو خبرو د جدي تعقیب غوښتنه وکړه.
اریک لورین په دي لیدنه کي د پوهنې وزارت سره په لا زیاتو همکاریو ټینګار وکړ او د پوهنې وزیر له لوري د یادو سپارښتنو د څارلو وعده ورکړه.
