په هلمند ولایت کې د ۷۳تنو ښوونکو لپاره مېتودیکي سيمینار جوړ شو
د هلمند ولایت مارجې ولسوالۍ اړوند ۷۳ تنو ښوونکو لپاره «د اغېزمنې زدهکړې او پوهنې ترویج» تر سرليک لاندې درې ورځنى سيمينار، د یوې همکارې ادارې او مسلکي پراختيا علمي غړو له لوري ترسره شو.
یاد سيمینار د ښوونکو د مسلکي ظرفیت لوړولو، د تدریسي کیفیت ښهوالي او د نويو ښوونیزو تدریسي طریقو د ترویج په موخه تنظیم شوی و.
د مارجې ولسوالۍ پوهنې مسؤلینو له ګډون والو وغوښتل چې په خپلو تدریسي کړنلارو کې نوې او پرمختللې طریقې وکاروي، تر څو د یادې ولسوالۍ د ښوونځیو په تعلیمي وضعیت کې څرګند او مثبت بدلونونه رامنځته شي.
