په یو شمېر ولایتونو کې د ښوونځیو د صنفي اصولو ښوونکو لپاره سیمینارونه جوړ شول
پوهنې وزارت لخوا، د ښوونکو مسلکي وړتیاوو لوړولو په موخه، د نورستان، پکتیا، فاریاب، خوست، دایکنډي او یو شمېر نورو ولایتونو کې د صنفي اصولو له ۲۰۰ تنو څخه زیاتو ښوونکو مسلکي مهارتونو پیاوړتیا لپاره د ۳ ورځنيو سیمینارونو لړۍ پیل شوه.
د اړوندو ولایتونو پوهنې چارواکو د تدریسي مهارتونو لوړولو لپاره د دغه شان سیمینارونو په جوړولو خوښي څرګنده او یاد پروګرامونه یې د ښوونکو د ظرفیت، وړتیا او مسلکيوالي په ښه کولو کې مهم وګڼل.
مسئولینو په ښوونکو هم غږ وکړ چې د نويو ښوونیزو مېتودونو په کارولو سره په ښوونځیو کې خپل تدریسي بهیر لاپسې پياوړی کړي.
