په ننګرهار ولایت کې یوې دیني مدرسې لپاره د نوې تدریسي ودانۍ جوړولو لپاره یو جرېب ځمکه وقف شوه
د پوهنې یو تنمینهوال او ملاتړي حاجي بخت الله لخوا، ننګرهار ولایت اچین ولسوالۍ اړوند د بحرالعلوم دیني مدرسې لپاره یو جرېب ځمکه وقف او پکې د یوې مدرسې لپاره نوې ودانۍ جوړولو عملي کارونه د استاد سرتاج خیریه بنسټ په مالي ملاتړ سره پیل شول.
د یادې ودانۍ بنسټ ډبره د ننګرهار ولایت علماوو شورا د رئیس او پوهنې چارواکو لخوا کېښودل شوه.
د بحرالعلوم مدرسه د اچین ولسوالۍ د پوهنې آمریت په کچه یوازینی رسمي علمي بنسټ دی، چې اوسمهال شاوخوا ۶۵۰ تنه طلاب پکې په دیني زدهکړو بوخت دي، له دې ډلې ۱۸۰تنه یې لیلیه طلابالعلم دي او له ټاکل شوي سهم سره سم د پوهنې وزارت څخه ورته منظم میاشتني لګښتونه ورکول کېږي.
