په غور ولایت کې د ۱۴۰ تنو ښوونکو لپاره د مسلکي وړتیاوو لوړولو په اړه روزنیز سیمینار پیل شو
د تدریسي مهارتونو ښه کولو او د ښوونکو مسلکي وړتیاوو لوړولو په موخه، د غور ولایت مرکز چهارسده، الفاروق، دولتیار او فیروزکوه ولسوالیو کې د ښوونځیو ۱۴۰ تنو ښوونکو لپاره د مسلکي وړتیاوو لوړولو روزنیز پروګرام پیل شو.
د پوهنې چارواکو په وینا، دغه سیمینار د یوې همکارې ادارې په مالي ملاتړ پیل شو او اساسي موخه یې د همدغه ولایت په څلورو ولسوالیو کې د ښوونکو علمي ظرفیت لوړول دي، ترڅو ښوونکي وکولای شي له دغه روزنیز پروګرام څخه ګټه پورته او په مختلفو تعلیمي برخو کې خپل مهارتونه لوړ کړي.
چارواکو د یاد پروګرام پر اهمیت ټینګار وکړ او زیاته یې کړه چې دغه روزنیز پروګرامونه به په غور ولایت کې د پوهنې کیفیت په ښه کولو کې لوی رول ولوبوي.
