په لغمان ولایت کې له راستنېدونکو کډوالو ماشومانو څخه د سویې د تثبیت ازموینه واخیستل شوه
د لغمان ولایت پوهنې ریاست، د پوهنې وزارت د کړنلارې پر بنسټ، په یاد ولایت کې له ۱۶۵ تنو راستنېدونکو کډوالو ماشومانو څخه د سویې د تثبیت په موخه ازموینه واخیسته.
د پوهنې ریاست چارواکو له دغې پروسې څخه د څارنې پرمهال، د پورته ذکر شویو ازموینو ترسره کولو پروسه مثبته وبلله او دا یې د راستنېدونکو لپاره د تعلیمي شرایطو برابرولو په لور یو مهم او بنسټیز ګام وباله.
د یادونې وړ ده چې، دغه پروسه د اووم څخه تر یوولسم ټولګي پورې د غوښتونکو لپاره ترسره او بریالي کسان به په اړوندو ټولګیو کې شامل شي.
