د پوهنې وزارت د دعوت او ارشاد محترم رئیس د دایکنډي ولایت له پوهنې مسئولینو او کارکوونکو سره وکتل
د پوهنې وزارت د دعوت او ارشاد رئیس محترم الحاج مولوي جمعه خان سروري دایکنډي ولایت ته د خپل رسمي سفر په ترڅ کې، د همدغه ولایت د پوهنې له رهبرۍ، کارکوونکو او د تعلیمي مرکزونو له مسئولینو سره وکتل.
نوموړي په یاده لیدنه کې د افغانستان اسلامي ا.مارت د عالیقدر رهبر د (۱۷مې) ګڼې فرمان په اړه تفصیلي خبرې وکړې او ګډونوالو ته یې د ناسمو دودونو له منځه وړلو، د شرعي حجاب د مراعاتولو، د نبوي«صلي الله علیه وسلم» سیرت او صورت د بشپړ تعقیب او د اسلامي اخلاقو د پلي کولو په اړه علمي او شرعي لارښوونې وکړې.
ورپسې د دایکنډي ولایت پوهنې ریاست د دعوت او ارشاد مسئول د پوهنې وزارت له مشرتابه مننه او قدرداني وکړه او ډاډ یې ورکړ چې د د پوهنې ریاست اړوند کارکوونکي د اسلامي ا.مارت د عالیقدر مشرتابه د اصولو او فرمانونو پلي کولو ته په پوره توګه ژمن دي.
