په غزني ولایت کې د یوې دیني مدرسې نوې ودانۍ ورغول شوه
د غزني ولایت آببند ولسوالۍ اړوند سپینقل سیمه کې د احمدیه دیني مدرسې نوې ودانۍ د یادې ولسوالۍ یو تن متدین شخصیت په مالي لګښت جوړه او ګټې اخیستنې ته وسپارل شوه.
په دې ودانۍ کې یو پراخه دارالحدیث، دوه درسي خونې او یو لوی ګدام شامل دي، چې د جوړولو لګښت یې یو مېلیون افغانۍ اټکل شوی دی.
د پوهنې مسئولینو وویل: "د دغې مدرسې جوړول د اسلامي علومو د زدهکړې او پراختیا په لور یو لوی ګام دی او دا ځای به د سیمې د ځوانانو لپاره په علمي او تعلیمي مرکز بدل شي."
د پوهنې وزارت مشرتابه په پورته ذکر شوې ولسوالۍ کې د مدرسې جوړولو لپاره زموږ د هېوادوال له مرستې ستاینه کوي.
