په سرپل ولایت کې څه د پاسه ۱۰۰ زره ډالرو په لګښت د یو باب ښوونځي د ودانۍ بنسټ ډبره کېښودل شوه
د سرپل ولایت د سانچارک ولسوالۍ په زنجان کلي کې د یو باب ښوونځی د ودانۍ بنسټ ډبره، د پوهنې چارواکو لخوا د یوې همکارې ادارې لخوا د ۱۰۶ زره ډالرو په لګښت کېښودل شو.
د ښوونځي دغه ودانۍ چې ۶ درسي ټولګي، اداري خونې، د لمریزې برېښنا سیسټم، یو حلقه څاه، مېزونه - څوکۍ، احاطوي دېوال او نور اړین ملحقات به ولري، په راتلونکو درېیو میاشتو کې به بشپړه او ګټې اخیستنې ته وسپارل شي.
د سرپل ولایت پوهنې رئیس محترم مولوي محمد رحماني د ټولنې په اصلاح کې د زدهکړې اهمیت ته اشاره وکړه او ویې ویل؛ د پوهنې وزارت هڅه کوي چې د ملاتړ کونکو ادارو په همکارۍ ټولو ماشومانو ته باکیفیته زده کړې برابر کړي.
