پکتیکا ولایت کې د یوې دیني مدرسې لپاره د یو محراب جومات ودانیزې چارې پیل شوې
د پکتیکا ولایت سر روضې ولسوالۍ د خلکو په مالي مرسته، د ۳مېلیونه ۵۰۰ زره افغانیو په لګښت د یو محراب جومات جوړولو چارې، د پوهنې چارواکو، علماءکرامو او د خلکو د استازو په ګډون سره، د همدغې ولسوالۍ د دارالعلوم اسلاميه مارزک دیني مدرسې په انګړ کې پیل شوې.
د چارواکو په وینا، یاد جومات به په پاخه او اساسي ډول جوړ شي او د جوړولو کارونه به یې پنځه میاشتې وخت ونیسي.
د پوهنې وزارت مشرتابه د پکتیکا ولایت د متدین او علم پروره ولس له دغه نېک اقدام څخه قدرداني کوي.
