د پوهنې وزارت د ودانیو او ملکیتونو د ساتنې او مراقبت رئیس د کندهار ولایت پوهنې ریاست کې د کډوالو او راستنېدونکو چارو وزارت د اصلي ملاتړ له رئیس سره وکتل
د پوهنې وزارت د ودانیو او ملکیتونو د ساتنې او مراقبت رئیس مولوي سمیع الحق حماس، د کندهار ولایت پوهنې رئیس الحاج مولوي فخرالدین نقشبندي په کوربه توب، د کډوالو او راستنېدونکو چارو وزارت د کډوالو چارو د اصلي ملاتړ له رئیس الحاج غلام نبي ستانکزي سره وکتل.
په یاده غونډه کې، دواړو خواوو د ګډې همکارۍ په اړه بحث وکړ، چې موخه یې هېواد ته د راستنېدونکو ماشومانو لپاره د تعلیمي آسانتیاوو رامنځته کول دي.
د یادونې وړ ده، چې له دې غونډې وروسته، دواړو وزارتونو د راستنېدونکو کډوالو لپاره د اړینو آسانتیاوو په برابرولو کې د ګډې مرستې، همکاریو او لا همغږۍ په تړاو نوی فصل پرانیست.
