په لغمان ولایت کې د ۱.۵ مېلیون افغانیو څخه په زیات لګښت د یو باب ښوونځي ودانۍ بیاورغول شوه
د لغمان ولایت په مرکز مهترلام ښار کې د مهترالمک عالي لېسې د ودانۍ بیارغونې او ترمیم چارې، چې څه موده وړاندې پیل شوې وې، د پوهنې وزارت له بودیجې څخه د یو مېلیون ۵۸۸ زره۷۴۰ افغانیو په لګښت بشپړې او د پوهنې مسئولینو په حضور کې ګټې اخیستنې وسپارل شوې.
د یاد ښوونځي د پرانیستلو پر مهال، د لغمان پوهنې رئیس مولوي شاه جهان ساجد له چارواکو، ښوونکو او زده کونکو څخه وغوښتل چې د یاد ښوونیز مرکز ساتنې او مناسبې کارونې ته ځانګړې پاملرنه وکړي.
همدارنګه د یاد ښوونځي مسئولینو د زده کونکو لپاره د مناسب ښوونیز چاپېریال رامنځته کولو په برخه کې، د پوهنې وزارت له پاملرنې خوښي او ستاینه څرګنده کړه.
