په هرات ولایت کې د ۶۶۰ تنو ښوونکو لپاره روزنیز ورکشاپ پیل شو
د هرات ولایت چشت شریف، اوبه، کرخ او کهسان ولسوالیو اړوند ۶۶۰ تنو ښوونکو لپاره د "اغېزمن تدریس او د زدهکړې ترویج" تر سرلیک لاندې شپږ ورځنی ورکشاپ پرانیستل شو.
د یاد روزنیز پروګرام اساسي موخه د ښوونکو د تدریسي مهارتونو لوړول دي، تر څو په ښوونځیو کې د زده کړې کیفیت لاپسې پیاوړی شي، کوم چې د یاد ولایت د ښوونکو د مسلکي پراختیا د علمي غړو لخوا د یوې همکارې ادارې په مالي ملاتړ تنظیم شوی دی.
ګډون والو د دغه روزنیز ورکشاپ هرکلی وکړ او دا یې د خپلو مسلکي وړتیاوو او مهارتونو د پراختیا لپاره یو ارزښتناک فرصت وباله.
همدارنګه، د پورته ذکر شویو ولسوالیو د پوهنې مسئولینو د داسې ورکشاپونو پیل د تدریسي پروسې لاښه والي او په ښوونځیو کې د پوهنیز کیفیت لوړولو په لور یو اغېزمن ګام وباله.
