د پوهنې وزارت د مالي او حسابداري ریاست پلاوی بلخ ولایت ته په رسمي سفر ولاړ
د پوهنې وزارت د مالي او حسابداري ریاست څخه یو درې کسیز پلاوی، د افمیس سیسټم فعالولو په موخه بلخ ولایت ته ورسېد.
پلاوي د یاد ولایت له پوهنې رئیس مفتي محمد شریف عثماني سره په لیدنه کې د خپل سفر اساسي موخه، د افمیس سیسټم پرانیستنه، پوهنې ریاست لپاره د ځانګړي مالي او حسابداري پروګرام جوړول، دیاد ریاست د لګښتونو راپور ترلاسه کول او د پوهنې د کارکوونکو د معاشونو د ستونزو حل وباله.
له بلې خوا د ياد ولايت پوهنې رئيس له ورغلي پلاوي څخه د هرکلي پر مهال، له خپل لوري د لازمو آسانتياوو برابرولو ډاډ ورکړ.
