د پوهنې وزارت سرپرست د مرکز او ولایتونو له پوهنې رئیسانو سره د ویډیویي کنفرانس له لارې آنلاین غونده وکړه
د پوهنې وزارت سرپرست الحاج مولوي حبیب الله آغا د ویډیویي کنفرانس له لارې د مرکز کابل ښار او ولایتونو له پوهنې رئیسانو سره د ښوونیز نظام په برخه کې د یو شمېر مهمو مسایلو په اړه خبرې او نظرونه تبادله کړل.
په پیل کې د پوهنې وزارت سرپرست د پوهنې ریاستونو د دندو لنډ راپورونه واورېدل او د هغوی د پرمختګونو او ستونزو په اړه یې لازمې لارښوونې وکړې.
دغه راز نوموړي د اداري او تدریسي چارو لاښه والي په برخه کې، د ولایتي مسئولینو د پاملرنې لارښوونه وکړه او له هغوی یې وغوښتل، چې د اړوندو ولایتونو د ټولو تعلیمي بنسټونو له کتابتونونو څخه په هر اړخیزه توګه څارنه او ارزونه وکړي.
د پوهنې وزارت سرپرست زیاته کړه، ټول هغه کتابونه چې د اهل سنت والجماعت او حنفي فقهاوو له عقایدو سره په تضاد او ټکر کې وي راټول او راپورونه یې مرکز ته راولېږي.
ورپسې د پوهنې رئیسانو هر یو په خپل وار سره د پوهنې وزارت د مشرتابه د لارښوونو د عملي کولو ژمنه وکړه، چې ژر تر ژره به د کتابتونونو څارنه او پلټنه پیل کړي او راپور به یې محترم مقام ته وسپاري.
