د لوړو زده کړو وزارت مالي او اداري معین د پوهنې وزارت د اسلامي زده کړو له معین سره وکتل.
د لوړو زده کړو وزارت مالي او اداري معین مولوي حافظ حامد په داسې حال کې چې د یاد وزارت د دیني جامعاتو او تخصصاتو رئیس هم حضور درلود، د پوهنې وزارت د اسلامي زده کړو له معین الحاج مولوي کرامت الله آخندزاده سره وکتل.
په پیل کې د پوهنې وزارت د اسلامي زده کړو معین د لوړو زده کړو وزارت د پلاوي له ورتګ هرکلی وکړ او د یاد وزارت له هغو همکاریو څخه یې مننه وکړه، کوم چې په تېرو کلونو کې یې د مدارسو د فاضلانو او ط.البانو د مشترکو آزموینو اخیستلو په برخه کې کړې دي.
ورپسې دواړو لورو د ۱۴۴۶ هجري قمري کال د فاضلانو او ط.البانو د آزموینو په اړه بحث او نظرونه تبادله کړل او له هراړخیزو بحثونو وروسته یې لازمې پرېکړې وکړې.
غونډه د دعائیې په لوستلو سره پای ته ورسېده.
