دهرات ولايت پوهنې رئيس د اسلامي زده کړو له معین سره وکتل
د هرات ولایت پوهنې رئیس الحاج مولوي رحمت الله جابر د پوهنې وزارت د اسلامي زده کړو له معین الحاج مولوي کرامت الله آخندزاده سره د لیدنې پر مهال، د یاد ولایت د پوهنې ریاست د پرمختګونو او کاري ستونزو په اړه خبرې او نظرونه تبادله کړل.
د یادې ناستې په دوام، د پوهنې وزارت د اسلامي زده کړو معین د هرات ولایت د پوهنې ریاست د کړنو د ستاینې ترڅنګ، ژمنه وکړه چې د یاد ولایت د پوهنې ریاست د وړاندیزونو او د پوهنې د ستونزو د حل په برخه کې به د دغه ریاست له مشرتابه سره همکاري وکړي.
په پای کې د هرات ولایت پوهنې رئیس د اسلامي زده کړو له معین څخه مننه وکړه، چې د مصرفیت سره سره یې د لیدنې لپاره خپل وخت ځانګړی کړ.
