د کابل ښار اړوندو ښوونځيو له زده کوونکو څخه د نمونوي آزموینو لړۍ پيل شوه

media-moe
Sun, Jul 14 2024 10:04 AM
trew

نن د کابل ښار اړوندو ۱۶ ګونو ښوونیزو ناحیو د ۳۲ بابه ښوونځیو له څه باندې ۷۰۰۰ تنو زده کوونکو څخه په رسمي ډول د معیاري آزموینو اخیستلو لړۍ پیل شوه.

د پوهنې وزارت د مسئولینو په وینا له دغو آزموینو څخه یې اساسي موخه، د آزموینو اخیستلو له بېلابېلو طریقو سره د زده کوونکو آشنا کول، د درسونو کیفیت لوړول، په آزموینو کې د روڼتیا تامینول، د زده کوونکو په ارزونه کې د آزموینو له ټولو اصولو سره د ښوونکو آشنا کول، د پوهنیز بهیر د پلي کولو په تړاو د ښوونکو او زده کوونکو ترمنځ د وظیفوي مسئولیت د احساس پیاوړتیا ده.

د پوهنې وزارت د کیفیت تضمین معین الحاج مولوي عبدالخالق صادق او ځینو مرکزي رئیسانو د یادو آزموینو له بهیر څخه له نیزدي څارنه وکړه.

په پیل کې د پوهنې وزارت د معیاري آزموینو رئیس مولوي شمس الرحمن حماس د آزموینو صحنې ته د کیفیت تضمین د معین او نورو مېلمنو ورتګ ته ښه راغلاست ووایه او د افغانستان په ښوونیز نظام کې يې د یادو آزموینو د موخو، مېتودونو، ځانګړتیاوو او اړتیاوو په تړاو تفصیلي معلومات وړاندې کړل.

ورپسې د پوهنې وزارت د کیفیت تضمین معین او نورو مسئولینو د آزموینې له بهیر څخه لیدنه وکړه او دا پروسه یې د پوهنیز نظام په لاپیاوړتیا کې ګټوره او د قناعت وړ وبلله.

په پام کې ده، چې د کابل ښار ښوونځیو له زده کوونکو څخه د نمونوي آزموینو اخیستلو بهیر د روانې اوونۍ تر سې شنبې ورځې پورې په یو شمېر ښوونیزو ناحیو کې دوام ولري.

Latest news

Thu, Nov 06 2025 12:03 PM
Background image

Inauguration of 30 Construction and Renovation Projects Worth 40 Million Afghanis by the Minister of Education in Balkh Province

Honorable Alhaj Mawlawi Habibullah Agha, Minister of Education, during his official visits to the northern provinces, arrived in Balkh Province and inaugurated 30 educational. . .

Wed, Nov 05 2025 2:50 PM
Background image

Inauguration of 89 Construction and Renovation Projects Worth Over 78 Million Afghanis by the Minister of Education in Sare Pul Province

Honorable Alhaj Mawlawi Habibullah Agha, Minister of Education, during his official visits to the northern provinces of the country, arrived in Sare Pul Province. In addition to meeting. . .

Tue, Nov 04 2025 10:47 AM
Background image

The Honorable Minister of Education, during an official trip to the northern provinces of the country, now departed for Balkh Province

His Excellency Alhaj Mawlawi Habibullah Agha, Minister of Education, traveled to Balkh Province on an official visit, where he met and held discussions with Mufti Mohammad Sharif Usmani. . .

BACK TO NEWS