د ولایتونو له پوهنې ډګره څو لنډ خبرونه
میدان وردګ
د میدان وردګ ولایت پوهنې رئیس مولوي محمد عثمان حریت، د یاد ولایت په سیداباد ولسوالۍ کې د اونخي، میلاد النبي «صلی الله علیه وسلم»، موسی خېل، شهید عزت الله الهام او ملا حضرت ګل له لېسو څخه لیدنه وکړه.
بیا هم له همدې ولایت څخه:
د پوهنې ریاست مسئولینو او علماوو د سیداباد ولسوالۍ د جمال الدین وردگ دارالحفاظ د ۳۷ تنو حافظانو پرسرونو د فضیلت پګړۍ کېښودې.
غزني
د غزني ولایت پوهنې رئیس د شمس العارفین، سنايي او سید احمد مکه یي ښوونځیو د زده کړو وضعیت وڅېړه.
لوګر
د لوګر ولایت څرخ ولسوالۍ اړوند د شاه خلوتي عالي لېسې د زده کوونکو د والدینو شورا په مرسته د ۱۰ زره افغانیو په لګښت د یادې لېسې د تګ را تګ لارو ترمیم چارې پیل شوې.
ولایتونه:
د ټولو ولایتونو د پوهنې ریاستونو څخه په ترلاسه شویو خبرونو کې راغلي، چې د لوی اختر له رخصتۍ وروسته د ټولو ولایتونو پوهنې رئیسانو، له خپلو اړوندو کارکوونکو سره غیر نوبتي اداري ناستې ترسره کړې او د کاري نظم په رعایتولو یې د ټینګار ترڅنګ، له کارکوونکو وغوښتل چې پرته له ځنډه د مراجعینو کارونه ترسره کړي.
