د ولایتونو پوهنې خبرونو ته کتنه
غزني
د غزني ولایت پوهنې رئیس الحاج مولوي میرنصیر احمد حسیني، د یاد ولایت د قره باغ ولسوالۍ له ولسوال، دیني علماوو او قومي مشرانو سره د یوې غونډې په ترڅ کې، د پوهنې وزارت او د یاد ولایت د پوهنې ریاست د پروګرامونو په اړه خبرې وکړې.
پکتیا
د پکتيا ولايت پوهنې رئيس الحاج مولوي عبدالقيوم فاروقي د څمکنیو ولسوالۍ د ښوونيز وضعيت د کتنې پر مهال، د يادې ولسوالۍ د سيمه ييزو ادارو له يو شمېر مسئولينو، علماوو او مخورو سره وکتل او د پوهنیز نظام لاښه والي په اړه يې تفصیلي خبرې وکړې.
کابل
د کابل ولایت پوهنې رئیس الحاج مولوي عبدالحق حقاني، د یاد ولایت بګرامي ولسوالۍ د ښوونځیو د اداري او تدریسي چارو د څارنې تر څنګ، د خاک جبار او بګرامي ولسوالیو د پوهنې آمرینو په کچه د یو لړ بدلونونو اعلان وکړ.
سرپل
د سرپل ولایت پوهنې ریاست اداري غونډه، د یاد ولایت د ښوونې او روزنې آمر تر څارنې لاندې، د سیمه ییزو ادارو او د پوهنې په برخه کې د همکارو بنسټونو د مسئولینو په ګډون جوړه شوه، چې په ترڅ کې یې د پلي شویو او راتلونکو پروګرامونو په تړاو مفصلې خبرې وشوې.
بلخ
د بلخ ولایت پوهنې رئیس الحاج مولوي عبدالجلیل شهیدخېل په مرکز مزارشریف ښار کې د سلطان رضیه لېسې له اداري او تدریسي چارو څخه له نیږدې لیدنه او څارنه وکړه.
