د پوهنې وزارت د ښوونې او روزنې معین په یو رسمي سفر پنجشېر ولایت ته ولاړ

media-moe
Wed, Nov 29 2023 12:54 PM
145

د پوهنې وزارت د ښوونې او روزنې معین الحاج مولوي سخاءالله سعید په مشرۍ پلاوی، د پنجشېر ولایت پوهنې ریاست د ښوونیزو چارو د څېړنې، د زده کوونکو د آزموينې د بهير څرنګوالي، د ښوونځیو او مدارسو د ښوونیز وضعیت د ارزونې په موخه یاد ولایت ته رسمي سفر وکړ.

په پيل کې د پوهنې وزارت معین په هغه غونډه کې ګډون وکړ، چې پکې د پوهنې رياست مشرتابه، ديني علماوو او مشرانو حضور درلود.

په یاده غونډه کې د پوهنې رئیس مولوي غلام ایشان حماس، دغه ولايت ته د پوهنې وزارت د پلاوي له ورتګ څخه د هرکلي تر څنګ، د خپلو کړنو لنډ راپور مشرتابه پلاوي ته وړاندې او دواړو لورو د پوهنې په برخه کې د شته ستونزو او ننګونو په اړه تفصیلي خبرې وکړې.

ورپسې د پوهنې وزارت د ښوونې او روزنې معین، یاد ولایت ته د خپل سفر د موخو په اړه ګډون والو ته معلومات ورکړل او له هغوی یې وغوښتل، تر څو د هېواد دپوهنیز نظام د پلانونو او پروګرامونو ملاتړ وکړي.

همدارنګه نوموړي له علماوو وغوښتل، چې د خلکو د عامه ذهنیت په روښانولو کې د پوهنې وزارت له ښوونیزو پروګرامونو څخه ملاتړ ته دوام ورکړي او خپل اولادونه د زده کړو په موخه ښوونځیو او مدارسو ته واستوي.

په ورته مهال یاد پلاوي د دغه ولایت د مرکز اړوند یوې لیسې ته ولاړ، او د پوهنې له مسؤلینو سره یې یو ځای د کلنیو آزموینو بهیر له نیږدې وڅاره او د آزموینو پر روڼتیا یې ټینګار وکړ.

په پلان کې ده چې دغه پلاوى به په ياد ولايت کې د خپلې استوګنې پر مهال د خلکو له استازو، د مرکز او ولسواليو د پوهنې له مسئولينو او د يو شمېر ديني مدارسو له مشرانو سره وګوري.

Latest news

Thu, Nov 06 2025 12:03 PM
Background image

Inauguration of 30 Construction and Renovation Projects Worth 40 Million Afghanis by the Minister of Education in Balkh Province

Honorable Alhaj Mawlawi Habibullah Agha, Minister of Education, during his official visits to the northern provinces, arrived in Balkh Province and inaugurated 30 educational. . .

Wed, Nov 05 2025 2:50 PM
Background image

Inauguration of 89 Construction and Renovation Projects Worth Over 78 Million Afghanis by the Minister of Education in Sare Pul Province

Honorable Alhaj Mawlawi Habibullah Agha, Minister of Education, during his official visits to the northern provinces of the country, arrived in Sare Pul Province. In addition to meeting. . .

Tue, Nov 04 2025 10:47 AM
Background image

The Honorable Minister of Education, during an official trip to the northern provinces of the country, now departed for Balkh Province

His Excellency Alhaj Mawlawi Habibullah Agha, Minister of Education, traveled to Balkh Province on an official visit, where he met and held discussions with Mufti Mohammad Sharif Usmani. . .

BACK TO NEWS