د ننګرهار دیني مدرسو او دارالعلومو ته درسي کتابونه او دفتري وسایل ورکړل شول
د پوهنې وزارت_ننګرهار: د ننګرهار پوهنې ریاست اړوند دیني مدارسو او دارالعلومو ته بېلابېل دیني کتابونه او دفتري تجهزات وویشل شول.
د پوهنې ریاست علمي مرستیال مولوي ملکیار شګیوال د دغو توکیو د ویش پر مهال وویل: یاد دینی درسي کتابونه د سعودی عربستان هیواد له لوري د پوهنې وزارت د اسلامي زده کړو معینیت سره مرسته شوي همدارنګه کمپیوټرونه، فرشونه، دفتري میزونه او څوکۍ، جنراتورونه او نور د اړتیا وړ توکي چې د پوهنې ریاست زیرمتون ته رارسیدلي و وویشل شول.
ملکیار شګیوال وویل د کتابونو په ویش سره به د دینی مدارسو د زده کوونکو د کتابونو د کمښت ستونزه هواره او همدارنګه د دفتری وسایلو له ویشلو وروسته به د دینی مدارسو او دارلعلومو د ادارو ستونزه هواره شي .
نوموړي د دینی مدارسو او دارالعلومو له مسولینو وغوښتل چې له دغو مرسته شویو وسایلو نه په سمه توګه ګټه پورته کړي او په ساتنه کې یې هم ځانګړې پاملرنه وکړي.
