د پوهنې وزارت د ودانیو او املاکو د ساتنې او بهرنیو اړیکو رئیسان هرات ته په رسمي سفر لاړل
د پوهنې وزارت د ودانیو او املاکو د ساتنې او مراقبت رئیس محترم مولوي محمد اسحاق مقدس او د بهرنیو اړیکو رئیس محترم مفتي محمد حسن حقاني له مل پلاوي سره هرات ولایت ته ورسېدل.
د سفر په پیل کې، یاد پلاوي د هرات ولایت د پوهنې له رئیس او اړوندو آمرینو سره وکتل او د سفر موخه یې د همکارو بنسټونو په مالي مرسته د ترسره شویو ودانیزو پروژو ارزونه او کتنه وبلله.
په دې لیدنه کې د هرات ولایت پوهنې رئیس محترم مولوي محمد رحماني، پلاوي ته ښه راغلاست ووایه او د کاري برنامو د پلي کېدو په موخه یې د هر اړخیزې همکارۍ او لازمو اسانتیاوو برابرولو ډاډ ورکړ.
