د عامو خلکو لخوا پکتیا ولایت کې له یوې دیني مدرسې سره مرسته وشوه
د پکتیا ولایت پوهنې ریاست وايي چې د ځایي خلکو په همکارۍ، د یاد ولایت وزيځدراڼ ولسوالۍ اړوند کلیة العلوم دیني مدرسې سره ۷۴۰زره افغانۍ مالي مرسته شوې ده.
د پوهنې چارواکو په وینا، یادې پیسې د څښاک پاکو اوبو سیسټم جوړولو او د مدرسې لپاره د ۱۸ پایو بخاریو پېرودلو لپاره کارول شوې دي.
د یاد ولایت پوهنې رئیس محترم الحاج مولوي عبدالقیوم فاروقي د علمپروره خلکو له مرستې څخه د ستاینې ترڅنګ، له نورو څخه هم وغوښتل چې د مدارسو او ښوونځيو سره مرسته وکړي.
