فاریاب ولایت کې د ۱۸ مېلیونه افغانیو څخه په زیات لګښت د یو ښوونځي نوې ودانۍ پرانیستل شوه
د فاریاب ولایت پشتونکوټ ولسوالۍ اړوندو کې "د منطقه سبز معارف" لومړني ښوونځي نوې ودانۍ، چې کارونه یې څه موده وړاندې د یوې همکارې ادارې لخوا پیل شوي وو، اوس بشپړه او د پوهنې وزارت د لوړ پوړي ستر سلاکار محترم سیدغیاثالدین آغا، ولایتي چارواکو او د سیمهییزو مخورو په حضور کې ګټې اخیستنې ته وسپارل شوه.
د مراسمو په پیل کې، د پوهنې وزارت محترم ستر سلاکار د علم او پوهې د ارزښت، د جهاد اهمیت او د اسلامي امت ترمنځ د تعصب منفي اغېزو په اړه د خبرو کولو پرمهال، ګډونوالو ته د یووالي او خواخوږۍ بلنه ورکړه او له خلکو یې وغوښتل چې خپل ماشومان مدارسو او ښوونځیو ته واستوي.
د ښوونځي دغه نوې ودانۍ چې ۱۳ درسي ټولګي، اداري خونه، ازمویښتون، احاطويدېوال، د څښاک پاکو اوبو څاه او نور اړین محلقات لري، په ۲ پوړونو کې جوړه شوې او ۱۸،۶۵۸ مېلیونه افغانۍ لکښت پرې راغلی دی.
د فاریاب ولایت پوهنې چارواکو په وینا، د یادې ودانیزې پروژې په بشپړېدو سره د زدهکوونکو لپاره مناسب او خوندي تعلیمي چاپېریال برابر شو.
