د پوهنې وزارت د دیني مدارسو او دارالحفاظونو محترم رئیس د خوست ولایت دیني مدارسو د ازموینې له پروسې څخه لیدنه وکړه
د پوهنې وزارت د دیني مدارسو او دارالحفاظونو رئیس محترم مولوي عبدالرزاق صدیق د خوست ولایت په مدارسو کې د ثانويه او مافوق ثانویه ازموینو د ترسره کولو له پروسې څخه لیدنه وکړه.
نوموړي وویل چې یادې ازموینې په ټول ملک کې په یو وخت پیل شوې او اساسي موخه یې د طلابو عادلانه ارزونه ده.
د خوست ولایت پوهنې رئیس محترم شیخ مسلمین راشد د پوهنې وزارت پلاوي ته د ښه راغلاست ترڅنګ ډاډ ورکړ چې، ازموینې به په عادلانه او بشپړ خوندي ډول ترسره شي.
