په ځینو ولایتونو کې د "صرف او نحوې" علمي سیالۍ پای ته ورسېدې
څه موده وړاندې، د هلمند، بغلان، کونړ او نیمروز ولایتونو د مدارسو او دارالعلومونو د طلابو ترمنځ د پوهنې وزارت د اسلامي زده کړو معینیت او د یادو ولایتونو د پوهنې ریاستونو مسئولینو په حضور کې د "صرف او نحوې" علمي سیالۍ ترسره شوې، چې تر شپږو ورځو سختو رقابتونو وروسته پای ته ورسېدې.
د چارواکو او مسئول پلاوي لخوا د ترسره شویو ارزونو وروسته پایلې اعلان او په پای کې، د سیالیو ممتازو او ګټونکو ګډونوالو ته د مسئولینو لخوا ډالۍ او ستاینلیکونه ورکړل شول.
د پوهنې وزارت د اسلامي زده کړو معینیت چارواکو وویل چې د پورته ذکر شویو سیالیو له پیلولو یې اساسي موخه د ځوانانو د استعدادونو وده او د هغوی د علمي لاسته راوړنو پیاوړتیا ده.
