په دایکنډي ولایت کې هېواد ته له راستانه شویو کډوالو ماشومانو څخه د تعلیمي سویې د تثبیت ازموینه واخیستل شوه
د دایکنډي ولایت پوهنې ریاست له ۳۲ تنو راستانه شویو زدهکوونکو څخه د تعلیمي سویې تثبیت ازموینه واخیسته.
په هغو مراسمو کې چې په همدې موخه جوړ شوي وو، د یاد ولایت پوهنې مسؤلینو د ازموینې له بهیر څخه څارنه وکړه او ډاډ یې ورکړ چې د تعلیمي سویې د تثبیت او په رسمي ښوونځیو کې د راستانه شویو زدهکوونکو شاملولو هڅې به دوام ولري.
د مسئولینو په وینا، ټاکل شوې چې دغه شمېر زدهکوونکي د خپلو تعلیمي سویو له مخې د ښوونځیو له اووم تر یوولسم ټولګیو کې شامل شي.
