نورستان ولایت کې د یو باب ښوونځي جوړولو لپاره ځمکه وقف شوه
د نورستان ولایت مندول ولسوالۍ اړوند د باندول کلي پوهنې مینه والو د پوهنې د پراختیا او پیاوړتیا په موخه له خپلو شخصي شتمنیو څخه پوهنې سره څه د پاسه ۱.۳ مېلیونه افغانۍ مرسته وکړه او د باندول عالي لېسې جوړولو لپاره یې یو جرېب ځمکه هم اخیستې ده، چې د نورستان ولایت پوهنې ریاست سیمه ییزو چارواکو ته وسپارل شوه.
د پوهنې ریاست چارواکو یاد اقدام د پوهنیز نظام پراختیا لپاره د سیمې د خلکو د لېوالتیا او ژمنتیا نښه او د راتلونکو نسلونو د روښانه راتلونکي لپاره د ارزښت وړ هڅې بللې دي.
د پوهنې وزارت مشرتابه له ښوونیز نظام سره د خلکو له ملاتړ هرکلی کوي او د یاد ښوونځي جوړولو لپاره یې د مندول ولسوالۍ د خلکو له مرستې ستاینه وکړه.
