د پوهنې وزارت د دعوت او ارشاد محترم رئیس جوزجان ولایت ته په رسمي سفر لاړ
د پوهنې وزارت د دعوت او ارشاد د رئیس محترم الحاج مولوي جمعه خان سروري په مشرۍ پلاوی جوزجان ولایت ته لاړ او هلته یې د پوهنې له رئیس محترم مولوي لعل جان راشد، د ولسوالیو د پوهنې پروګرامونو له آمرینو او د یاد ولایت د مرکز اړوندو ښوونځیو له چارواکو او مسئولینو سره وکتل.
د غونډې په پیل کې د جوزجان پوهنې رئیس مېلمنو ته ښه راغلاست ووایه او د پوهنې وزارت تعلیمي پروګرامونه یې خورا اغېزمن وبلل.
ورپسې د پوهنې وزارت د دعوت او ارشاد رئیس د خپل سفر اساسي موخه، د جوزجان له پوهنې چارواکو سره لیدنه او د پوهنې په برخه کې د دعوت او ارشاد د پروګرامونو له پلي کولو څارنه بیان کړه.
همدارنګه نوموړي د ټولنې د اصلاح او د اسلامي امت د ورورګلوۍ په پیاوړتیا کې د اسلام مقدس دین د رول په اړه ارزښتناکه ویناه وکړه او له چارواکو یې وغوښتل چې د الهي احکامو، د رسول الله «صلی الله علیه وسلم» د سنتو او لارښوونو په پلي کولو کې ټولې هڅې وکړئ.
غونډه د خیر په دعائیې سره پای ته ورسېده.
