د لوګر ولایت پوهنې ریاست کې د برېښنايي شهادتنامو وېش له لارې څه د پاسه ۳۰۰ زره افغانۍ عواید ترلاسه شوي
د روان کال (۱۴۰۴ لمریز) په لومړیو پنځو میاشتو کې، د لوګر ولایت پوهنې
ریاست د دولسم او څوارلسم ټولګيو فارغانو ته د برېښنايي شهادتنامو وېش له لارې ۳۲۴ زره افغانۍ عواید راټول کړي دي، چې د قانوني مراحلو تر بشپړولو وروسته د دولت خزانې ته لېږدول شوي دي.
د یادې ادارې چارواکي وايي چې د برېښنايي شهاتنامو د سیسټم په فعالولو سره، غوښتونکو ته د اسنادو په ترلاسه کولو کې د پام وړ اسانتیاوې برابرې او د هغوی په وخت او لګښتونو کې هم د پام وړ کموالی راغلی دی.
