د کابل ښار پوهنې ریاست لخوا له راستنېدونکو کډوالو ماشومانو څخه د سویې د تثبیت ازموینه واخیستل شوه
هغه ۳۲۰ تنه کډوال ماشومان چې په دې وروستیو کې له ګاونډیو هېوادونو څخه خپل وطن ته راستانه شوي وو، د کابل ښار پوهنې ریاست د پلاوي په جضور کې ورڅخه د سویې د تثبیت په موخه ازموینه واخیستل شوه.
د کابل ښار پوهنې رئیس محترم مولوي جنت ګل عزیز د ازموینې له پروسې څخه د لیدنې پر مهال وویل: وروسته له هغه چې د زدهکوونکو تعلیمي کچه معلومه شي، هغوی به د خپلې سویې سره سم د رسمي ښوونځیو په مختلفو ټولګیو کې شامل شي؛ ترڅو خپلو زدهکړو ته دوام ورکړي.
د یادونې وړ ده چې د ۱۴۰۴ ښوونیز کال له پیل راهیسې ۲۲۳۹ تنه زدهکوونکي خپل هېواد ته راستانه شوي، چې له هغوی څخه په ۹ پړاوونو کې د کابل ښار پوهنې ریاست له لوري ازموینې اخیستل شوې او د خپلو سویو سره سم د ښوونځیو په بېلابېلو ټولګیو کې جذب شوي دي.
