د ولایتو له پوهنې څخه د ځینو خبرونو لنډیز
غزني
د غزني ولایت پوهنې ریاست د یاد ریاست ۵۲ تنو کارکوونکو ته اړینې جامې، بوټان، واسکټونه او خولۍ ووېشلې.
دایکنډي
د دایکنډي ولایت اشترلي ولسوالۍ اړوند د شیخ میران عالي لېسې ۱۷۵ پایې مات شوي او بې ګټې مېزونه - څوکۍ د ۴۰ زره افغانیو په لګښت د یو سیمه ییز خیرخواه ښاغلي علي امیني په شخصي مرسته ترمیم او بیاورغول شول.
لوګر
په تېرو پنځو میاشتو کې، د پوهنې سره علاقه لرونکو او سیمه ییزو خلکو لخوا د لوګر ولایت په مرکز کې له جمهوریت عالي لېسې سره د ۱۱۰ زره افغانیو نغدي مرسته شوې، چې د ښوونځي د ودانۍ او اړینو تجهیزاتو لپاره به وکارول شي.
