د کونړ ولایت د ښوونکو او د ښوونځیو شورا غړو لپاره د وړتیا لوړولو سیمینار جوړ شو
د کونړ ولایت په نرنګ، څوکۍ، نورګل او خاص کونړ ولسوالیو کې د ښوونکو او د ښوونځیو شورا غړو لپاره شپږ ورځنی تعلیمي او مسلکي سیمینار ترسره شو.
د دغه سیمینار د پرانیستې په مراسمو کې، پوهنې مسئولینو، د مرستندویه ادارې استازو، ښوونکو، د مسلکي پراختیا ټیم غړو، ښوونکو او د ښوونځیو شورا غړو ګډون درلود.
له پلان سره سم به یاد سیمینار د نرنګ، څوکۍ، نورګل او خاص کونړ ولسوالیو د مختلفو ښوونکو لپاره شپږ ورځې او د ښوونځیو شورا غړو لپاره دوه ورځې دوام وکړي.
د پوهنې ریاست تدریسي مرستیال د سیمینار د موخې او محتوا په اړه معلومات وړاندې کړل او له ګډونوالو یې وغوښتل چې ترلاسه کړي مهارتونه په مؤثره توګه په خپلو کاري ځایونو کې پلي کړي.
په ورته وخت کې، د دې سیمینار ګډونوالو د داسې تعلیمي او تجربوي فرصتونو په رامنځته کېدو خوښي څرګنده او د ورته پروګرامونو د دوام غوښتنه یې وکړه.
