د لغمان ولایت علیشنګ ولسوالۍ د یو باب ښوونځي بیارغونې له پروسې څخه لیدنه وشوه
د لغمان ولایت پوهنې رئیس محترم مولوي شاه جهان ساجد د پوهنې یو شمېر مسئولینو په ملتیا د علیشنګ ولسوالۍ بمبوسین منځني ښوونځي بیارغونې له پروسې څخه څارنه وکړه.
یاد ښوونځی به د پوهنې وزارت سره د یوې همکارې ادارې په مرسته د ۱ مېلیون ۵۱۰ زره ۵۲۹ افغانیو په لګښت بیارغول کېږي او د بیارغونې کارونه به یې د یوې میاشتې په اوږدو کې بشپړ شي.
د پوهنې رئیس د باکیفیته ساختماني موادو په کارولو ټینګار وکړ او له ځایي اوسیدونکو یې وغوښتل چې خپل ماشومان ښوونځيو او مدارسو ته واستوي او د مالي مرستو سربېره د ښوونځي په ساتنه او پالنه کې فعاله برخه واخلي.
